Қазақстанда коронавирус жұқтырған үшінші адам анықталды

ҚР Денсаулық сақтау министрі Елжан Біртанов коронавирус жұқтырған үшінші адам анықталғанын айтты.

«Коронавирус жұқтырған тағы бір адам анықталды. Ол Милан қаласынан 12 наурызда Нұр-Сұлтанға келген. Науқаспен қатар сол ұшақпен келген 90 жолаушы да карантинге жатқызылды», - деді министр Орталық коммуникациялар қызметінде. 

Бұған дейін, Елжан Біртанов коронавирус инфекциясын жұқтырған Қазақстанның екі азаматы Германиядан келгенін мәлім етті.