Жаңалықтарды Telegram арнамыздан оқыңыз!Ресейде қазақстандық жауынгерлердің ерлігі ұлықталып, рухына тағзым етілді. Ржев, Тверь қалаларын неміс басқыншыларынан азат ету кезінде мыңдаған қазақ сарбазының ерлікпен опат болғаны белгілі. Құрамында отандастарымыз да болған 100-ші және 101-ші дербес атқыштар бригадалары жауынгерлеріне арналып бірнеше жыл бұрын Ржевте мемориал орнатылды. Гранит тақтаға 10 мыңға жуық қазақстандықтың аты-жөні жазылған. Ұлықтау шарасына Қазақстанның Ресейдегі елшісі Ермек Көшербаев та қатысты.
