Алматыда 47 оқушы ауруханаға түсті

Алматыдағы Республикалық физика-математика мектебінің жұмысы уақытша тоқтатылды. Оған оқушылардың жаппай улануы себеп. 12-13 қазан күндері 47 бала жедел ішек инфекциясының белгілерімен аурухана жеткізілген. Тағы 8 шәкірт интернатта оқшауланып, медициналық бақылауға алынған. Санитарлық-эпидемиалогиялық бақылау департаментінің қаулысына сәйкес білім ордасы мен асхананың қызметі уақытша тоқтатылып, сабақтар онлайн форматқа ауыстырылған. Сондай-ақ мектеп интернатының аумағы залалсыздандырылып, мамандар тиісті зертханалық сараптама жұмыстарын жүргізуді бастады. Қазір жаппай уланудың себептері анықталып жатыр.