Коронавирус жалпы әлемнің 79 елінде анықталды

Эпидемия, әсіресе, Еуропа мен Солтүстік Америкада өршіп тұр. Ұлыбританияда алғашқы науқас көз жұмса, Италияда бір тәулікте 40-тан астам адам мерт болды. АҚШ-тың Вашингтон және Нью-Йорк штаттарында инфекция жұқтырғандар саны күрт өсіп, 145-ке жетті.

АҚШ демекші, кеше елдің Сан-Франциско портына круиздік лайнердің тоқтауына тыйым салынды. Оған себеп – борттағы 35 адамда/ ауру белгілері байқалған. Сондықтан, кемеге вирусты анықтайтын тест тікұшақпен жеткізіліп, қазір туристерден сынама алынып жатыр.

Палестинада 30 күндік төтенше жағдай жарияланды. 7 адамнан жұқпалы дерт белгілері анықталған соң, ел билігі осындай шешім қабылдады.

Ал, Израильде круиздік лайнерден елге оралып, карантинде болған 6 турист босатылды. Бір айға жуық дәрігерлер бақылауында болған адамдар үйлеріне қайтар кезде қуаныштарын жасырмады.

Жансая ҚАПАСҚЫЗЫ