«Diamond Princess» круиз лайнерінде болған қазақстандықтар елге оралады

Жапонияда бірнеше күн карантинде тұрған кемедегі қазақстандықтар ертең елге оралады. Мұны еліміздің Сыртқы істер министрлігі мәлімдеді. Бүгін «Diamond Princess» круиз лайнерінде қалған екі азаматымыз жерге түсірілген. Олар Токиодағы қонақ үйлердің біріне орналастырылды. Мамандардың айтуынша, біздің төрт азаматымыз да коронавирусты анықтайтын тесттен өткен. Олардың вирус жұқтырмағаны анықталды. Токиодағы біздің дипломаттар лайнерде Қазақстан азаматтары бар екені белгілі болған сәттен олармен үнемі байланыста болып, консулдық-құқықтық көмек көрсетті.

Сәуле Алдамұрат