Қордайдағы қақтығысқа қатысты 90-ға жуық қылмыстық іс қозғалды

Қордайдағы қақтығысқа қатысты 90-ға жуық қылмыстық іс қозғалды. Бұл туралы Ішкі істер министрінің бірінші орынбасары Марат Қожаев айтты. 

«Қылмыстық істер өте көп. Күн сайын көбейіп келеді. Себебі қақтығысқа қатысты жаңа деректер шығып жатыр. Осы уақытқа дейін 90-ға жуық қылмыстық іс қозғалды. Соның ішінде адам өлтіру, жаппай тәртіпсіздіктер, қарақшылық пен ұрлық әрекеттері бар», - деді ол.

Оқиғаға байланысты 100-ден аса адамнан жауап алынған. 

«Процессуалдық іс-шаралар жүріп жатыр. Қажетті сараптамалар тағайындалды. Барлық қажетті процессуалдық дәлелдерді алған соң кінәлілер жауапкершілікке тартылады», - деді Қожаев.