Әлеуметтік желіде тарап жатқан дауылды ескертпені «Қазгидромет» жоққа шығарды

Әлеуметтік желіде тарап жатқан дауылды ескертпені «Қазгидромет» жоққа шығарды. Желіде тараған ақпаратта ақпанның алтысы мен он бірі аралығында боран болатыны хабарланады. Дауылды ескертпеде «Қазақавтожол» серіктестігіне сілтеме жасалып, қарлы бұрқасынға байланысты бірқатар республикалық жолдарда көлік қозғалысы қиындайтыны да жазылған. Алайда, «Қазақавтожол» хабарландырулар мен мәлімдемелерді тек ресми ақпарат көздері арқылы ғана тарататынын ескертеді.