Австралия үкіметі орман өрті салдарымен күреске 35 миллион доллар бөлді

Елдің қоршаған орта министрі Сьюзан Лейдің айтуынша, бұл қаражаттың жартысы апаттан зардап шеккен жан-жануарларды емдеуге кетеді. Ал, қалғаны – шығындарды есептеп, жабайы табиғатты қалпына келтіруге жұмсалмақ. 

Әзірге елді жалмаған орман өртінен қанша хайуанның қырылғаны белгісіз. Дегенмен, сарапшылардың болжамынша, бұл көрсеткіш миллиардқа жетуі мүмкін. Қазір, жалыннан күлге айналған алқаптарда тазалау жұмыстары жүргізіліп жатыр. Демалыс күндері елдің бірқатар аудандарында жауын-шашыннан өрт қарқыны біраз бәсеңсіген. Алайда, мамандар қауіптің әлі де сейілмегенін ескертіп отыр. 

Жансая ҚАПАСҚЫЗЫ