Жаңалықтарды Telegram арнамыздан оқыңыз!Боливияда президенттік сайлаудың соңғы нәтижелері белгілі болғаннан кейін, көшедегі қақтығыстар тіптен өршіді. Алдын ала санақ бойынша, қазіргі президент Эво Моралес 47,07 пайыз дауыс жинаған. Бұл – оның қарсыласынан 10,56 пайызға артық. Сондықтан сайлаудың екінші айналымы болмайды.
Оппозиция мен халықтың ашуын тудырған да - осы. Олар, дауыс беру процесінде өрескел заң бұзушылықтарға жол берілгенін айтып, сайлаудың екінші туры өткізілсін дейді.
Наразы демонстранттар ел астанасымен қатар, тағы бірнеше қалада 3 күннен бері көшелерде от қойып, полициямен қақтығысып жатыр. Моралес оларды «төңкеріс жасамақ болған батыстың адамдары» деп айыптаған. Бұған ашынған халық оны «диктатор» деп атап, биліктен кетуін талап етіп отыр.
Жансая Қапасқызы
