Дональд Трамп кеңесшісін қызметінен босатты

11.09.2019

АҚШ президенті Дональд Трамп өзінің ұлттық қауіпсіздік кеңесшісі Джон Болтонды күтпеген жерден жұмыстан босатты. Өйткені олар Солтүстік Корея, Иран, Ауғанстан, Ресей тәрізді елдермен арадағы даулы мәселелер бойынша келісе алмаған. 

Болтон - қатаң позициясымен «қаршыға» атанған лауазым иелерінің бірі. Ол - Трампты аталған елдермен қатал болуға үгіттеп, орнынан кеткен үшінші ұлттық қауіпсіздік кеңесшісі. Сонымен қатар, Болтон елдің бас дипломаты - Мемлекеттік хатшы Майк Помпеомен де көп проблемалар бойынша мәмілеге келе алмаған. 

Оның отставкаға кетуінің ресми себебі әзірге жарияланбай отыр. Бірақ кейбір болжамдарға қарағанда, Болтон президенттің Ауғанстандағы «Талибан» қозғалысын Кэмп-Девидтегі резиденциясына келіссөзге шақыруын қолдамаса керек.

Арыстан Рысбек


Хабарламаларға жазылу