Қасым-Жомарт Тоқаев елордадағы №115 сайлау учаскесінде дауыс берді (Толығырақ)

Мемлекет басшысы, Президенттікке үміткер Қасым-Жомарт Тоқаев «Астана Опера» театрында орналасқан №115 сайлау учаскесінде дауыс берді. Президент төлқұжатын көрсетіп, кабинаға кіріп, өз таңдауын жасады.

Аталған сайлау учаскесінде 2,5 мыңға жуық сайлаушы тіркелген. Мемлекет басшысы дауыс беріп болған соң, отандық және шетелдік бұқаралық ақпарат құралдары өкілдерімен тілдесті. Онда Қасым-Жомарт Тоқаев сайлау науқаны барлық демократиялық қағидалар мен халықаралық стандарттарға сай өтіп жатқанын айтты.