Жапонияда тасқыннан 3 адам қаза тапты

Жапонияның оңтүстік-батысын жайлаған тасқыннан кемінде 3 адам қаза тапты. Толассыз жауыннан Сага префектурасында екі өзен арнасынан тасып, лай көшкіні жүрді. Топан су жолындағының бәрін шайып, ағаштарды жұлып әкеткен.

Жергілікті метеорология қызметі қауіпке байланысты ең жоғарғы 5-ші деңгейлі дабыл жариялады. Синоптиктердің хабарлауынша, Сана және Таку қалаларында жауын-шашын мөлшері сағатына 120 миллиметрге жеткен. Сондықтан жергілікті билік 850 мыңға жуық тұрғынды эвакуациялап жатыр. Апат салдарымен күреске 100-ден астам әскери жұмылдырылды.

Нөсер жауын алдағы уақытта Кюсю аралы мен Токио қаласындада күтіліп отыр. Сондықтан адамдарға алыс жолға шықпай, сақ болу ескертілді.

Жансая ҚАПАСҚЫЗЫ