«Таңшолпан». Бүгін Роллан Сейсенбаевтың туған күні (ВИДЕО)

Әдебиетте өз соқпағын тым ерте айқындаған қаламгердің алғашқы хикаяты 1975 жылы жарық көрді. Содан бергі уақытта «Аңсау», «Өзімді іздеп жүрмін», «Сағынып жеткен жаз еді» повестері, «Өмір сүргің келсе егер...», «Тау басында түйіскен жол», «Шайтанның тағы» сынды романдары мен саналуан пьесалары республикалық театр сахналарында қойылып келеді.

Жазушының әрнәрсеге өз көзқарасы, өз пайымы бар. Болып жатқан оқиғаларды өзінше қабылдап, өзінше ой қорытады. Шығармалары кең, ауқымды, не жазса да жаһанды тебіренткен сауалдарға жауап іздейді.

Қаламгер Англияда Абай үйін ашуға атсалысып, ұлы хәкімнің «Қара сөздерін» орыс және ағылшын тілдеріне аударуға үлес қосты.