Жаңалықтарды Telegram арнамыздан оқыңыз!23 шілде сағат 10.00-де Астанада «Яркокросс» қайырымдылық марафоны өтеді. Спорттық, ойын-сауық шарасына елорда тұрғындары мен қонақтары қатысады, деп хабарлады Астана әкімдігінің ресми сайты.
«Яркокросс» - 5 шақырымға жүгіру шарасы, қатысушылар бір-біріне түрлі түсті ұнтақ шашады. Қызықты марафон «Думан» ОО алдындағы тұрақтан басталады.
Шараның мақсаты – астаналықтар арасында салауатты өмір салтын дәріптеу. Шараға қатысу құны – 1000 теңге, жиналған қаржы елорданы көгалдандыруға жұмсалмақ.
«Яркокросс» марафонындағы басты ереже – түрлі түсті бояулар жұғатындай қатысушылардың бәрі ақ киім киіп келуі керек.
