Токио әуежайында бортында 302 жолаушысы бар ұшуға бет алған Боинг өртенді (ФОТО) - «Qazaqstan» Ұлттық телеарнасы

Токио әуежайында бортында 302 жолаушысы бар ұшуға бет алған Боинг өртенді (ФОТО)

27.05.2016
Токио әуежайында бортында 302 жолаушысы бар ұшуға бет алған Боинг өртенді (ФОТО)

Токионың «Ханеда» әуежайында төтенше жағдай орын алды. «Korean Air» әуе компаниясының ұшуға дайындалып жатқан Boeing 777 жолаушылар ұшағының бортында өрт шықты, деп хабарлайды Жапонияның Kyodo агенттігі.

Ұшақ Сеулге бет алуы керек болған. Алайда, ұшу жолағына жақындаған лайнердің сол қанатындағы қозғалтқышы отқа оранды.

Экипаж жалынды байқап қалғанда-ақ әуе кемесінің қозғалысы тоқтатылды.  Жолаушылар мен  экипаж мүшелері эвакуацияланды. Оқиға орнына өрт сөндірушілер шақырылды.

Аталған төтенше жағдайға байланысты әуежай уақытша жабылды. Kyodo.     

Хабарламаларға жазылу