Жаңалықтарды Telegram арнамыздан оқыңыз!Елбасы «СИТИК Групп» корпорациясының президенті Ван Цзюньді қабылдады, деп хабарлады Ақорданың баспасөз қызметі.
Кездесу барысында қазіргі бірлескен жобаларды жүзеге асыру мәселелері талқыланды, сондай-ақ өзара іс-қимылдың перспективалы бағыттары қарастырылды.
Мемлекет басшысы мұнай және газ саласын Қазақстан мен Қытай серіктестігінің жетекші саласы ретінде атай отырып, еліміз «СИТИК Групп» корпорациясымен біраз уақыттан бері табысты ынтымақтасып келе жатқанын айтты.
В.Цзюнь Нұрсұлтан Назарбаевқа республикамыздың құрылыс және мұнай-газ саласының одан әрі дамуына ықпал ететін түрлі жобалардың жүзеге асырылу барысы туралы баяндады.
