ӘЧ – 2016. Бүгін шаршы алаңға қазақстандық боксшы Зарина Цолоева шығады

Бүгін Астанадағы «Барыс Арена» спорт кешенінде қыздар арасындағы бокстан Әлем чемпионатының екінші күні. Бүгін шаршы алаңға қазақстандық боксшылардан Зарина Цолоева шығады. Оны қарсыласы – вьетнамдық Ти Лин Ха. Зарина мен Ти Лин бірінші сессияда «А» рингінде жұдырықтасады.

Айта кетейік, бұл Әлем чемпионатында Рио Олимпиадасына 12 жолдама сарапқа салынады. Яғни, Олимпиада салмағына енген 51, 60 және 75 келіде жартылай финалға шыққан боксшыларға Олимпиадаға жолдама беріледі.

Әлем біріншілігінің екінші күнін «Kazsport» телеарнасы күндізгі сессиясын сағат 13:40-та, ал, кешкі сессияны 18:40-тан бастап тікелей эфирде көрсетеді. Ал, финалдық бәсекені «Қазақстан» Ұлттық телеарнасынан тамашалай аласыздар. Әлем чемпионаты 27 мамырда аяқталады.