Үш жастағы қызды судан құтқарып қалған Мұхамедәли Құрақ «Таңшолпан» бағдарламасына келді (ВИДЕО)

Оңтүстік Қазақстан облысы, Қазығұрт ауданы, Қосағаш ауылының тұрғыны Мұхамедәли Құрақтың жасаған ерлігі қазір ел аузында. Ол ауыл маңындағы Қаржан өзеніне ағып бара жатқан 3 жастағы қызды ажалдан құтқарып қалған.

Өзінің айтуынша, сол сәтте ауыл сыртында мал бағып жүрген. Оқиға болған уақытта 3 жасар Ақбілектің ағалары келіп, қарындастарының суға ағып бара жатқанын айтып, көмек сұрайды.

Мұхамедәли бірден мұздай суға қойып кетіп, кішкентай қызды алып шығады. Студияға келген әкесі Ақмен Құрақ баласының әрекетіне дән риза.

4 сынып оқушысы бұл ерлігі үшін аудан әкімдігі тарапынан да марапатқа ие болған.

Толығырақ  «Таңшолпаннан» көріңіз.