Биыл Астана мен Алматы әуежайларында электронды отырғызу талоны енгізіледі

Қазіргі уақытта ҚР ИДМ азаматтық авиация комитеті электрондық отырғызу талонын енгізу үшін жолаушыларды әуе көлігімен тасымалдау саласындағы нормативті-құқықтық актілерге өзгерістер енгізу бойынша бастама көтерді, деп хабарлайды министрліктің баспасөз қызметі. 

Осы және басқа да мәселелер комитет төрағасының міндетін атқарушы Талғат Ластаевтың Әуе көлігі халықаралық қауымдастығының Қазақстан Республикасындағы филиалы және «Air Astana» әуе компаниясы өкілдерімен кездесуінде талқыланды.

Аталған әдіс қажетті авиациялық қауіпсіздік деңгейін сақтауға, интернет арқылы тіркеліп, бірақ рейске келмей қалған жолаушыларды анықтауға мүмкіндік береді. Бұл өз кезегінде рейстердің жолаушыларды күтіп, кешігу жағдайларын азайтады.