Бағлан Әбдірайымовтің орындауындағы Табылды Досымовтың «Өкпелемеші» әні (ВИДЕО)

Өкпелемеші,

Өтірік мен де жұбатпан,

Өзегімді өртеп, жазбайын хат та жырақтан.

Өкпелемеші,

Бақытыңды алдан күт бірақ,

Менен де гөрі мықтырақ,

Өзге бар сені ұнатқан.

Өкпелемеші, өкпелемеші.

Өкпелемеші,

Өкіндірмеші құрбыңды,

Өлеңмен жуып тастармын мен де кірбіңді.

Өкпелемеші,

Өкпелемеші, арманым,

Қалайша жігіт болғаным?!

Өңгере алмасам бір мұңды.

Өкпелемеші, өкпелемеші.

Өкпелемеші,

Өткенде қаздар төбеңнен,

Өкінішіңді өлшерсің жырмен, өлеңмен.

Өкпелемеші,

От болып жанған жүрегім,

Өмірден таппай бір емін,

Өртенеріне сенем мен.

Өкпелемеші, өкпелемеші.

Өкпелемеші, өкпелемеші.