Сламбек Тәуекел: Тоқтар Әубәкіров туралы деректі фильм 2016 жылдың соңында шығады

Қазақстандық ғарышкер Тоқтар Әубәкіров жайлы деректі фильм 2016 жылдың соңында шығады. Бұл туралы  картина режиссері Сламбек Тәуекел айтып берді.

Оның айтуынша, картина Тоқтар Әубәкіровтің 70 жылдық мерейтойына және  қазақ баласының ғарышқа ұшуына 25 жыл толуына арналған. Қазақтан шыққан тұңғыш ғарышкер туралы деректі фильмнің түсірілім жұмыстары биыл сәуір айында басталған, бірақ қаржылай қиындықтардың салдарынан тоқтап қалған.

Қазіргі уақытта түсірілім жұмыстары қайта жаңғырып, жыл соңына дейін жалғасын табады. 2016 жылы, Тәуелсіздік күні қарсаңында көрермендер деректі фильмді көре алады.