Астанада Қазақ хандығының 550 жылдығына арналған халықаралық өнер фестивалі өтеді

29-30 қазан аралығында Астанада Қазақ гуманитарлық заң университетінің концерт залында  Мәдениет және спорт министрлігінің ұйымдастыруымен Қазақ хандығының 550 жылдығына арналған шетелде тұратын қандастарымыздың қатысуымен халықаралық өнер фестивалі өтеді.

Фестиваль аясында ақындар мүшәйрасы, термешілер сайысы және суретшілер көрмесі ұйымдастырылады. Сайыс қорытындысы бойынша жеңімпаздар дипломдармен, алғыс хаттармен және ақшалай сыйлықтармен марапатталады. Сайысқа жас мөлшері 20-35 жас аралығындағы  шетелде тұратын отандастарымыз қатысады.