Ауа райы: Республиканың басым бөлігінде жаңбыр жауады

28 қазан күні Қазақстанның басым бөлігінде атмосфералық фронттардың өтуіне байланысты кей аймақта жауын-шашын жауып, тұман түсіп, көктайғақ күтіледі, жел күшейеді.

Тек республиканың оңтүстік, оңтүстік-шығыс және шығысында ауа райы жауын-шашынсыз болады. Бұл туралы Қазгидромет хабарлады.

Батыс Қазақстан облысының кей жерлерінде тұман түсіп, жел 15-20 м/с күшейеді. Алматы облысы Жалаңашкөл ауданыныда жел 17-22 м/с күшейеді. Күндіз Солтүстік Қазақстан облысының кей жерлерінде тұман, көктайғақ, күтіліп, жел 15-20 м/с күшейеді. Түнде және таңертең Қостанай, Ақмола, Маңғыстау, Атырау, Шығыс Қазақстан облыстарының кей жерлерінде тұман болады.