«Қайрат» - «Бордо» матчын «Қазақстан» Ұлттық телеарнасы тікелей эфирде көрсетеді

Алғашқы ойын 20 тамызда (21 тамызға қараған түн) Францияның «Нуво Стад де Бордо» стадионында өтіп, «Бордо» клубы өз алаңында 1:0 есебімен жеңіске жеткен.

Ал, қарымта кездесу бүгін Алматының «Орталық стадионында» сағат 20:45-те басталады. Бүгін «Қайрат» клубы жеңіске жетсе Еуропа Лигасының топтық кезеңіне шығады. Осыған дейін топтық кезеңде қарағандылық «Шахтер» клубы 2013/2014 маусымда ойнаған еді.

Аталған кездесуді «Қазақстан» Ұлттық телеарнасы тікелей эфирде көрсетеді.

Айта кетейік, алматылық «Қайрат» Еуропа Лигасының алғашқы кезеңдерінде сербиялық «Црвена Звезда», армениялық «Алашкерт» пен шотландиялық «Абердин» клубтарын ұтқан.