Жаңалықтарды Telegram арнамыздан оқыңыз!Тамыз айының 5-нен бастап «Әскери әулет» алғашқы республикалық байқауы басталды.
Байқау отбасылық құндылықтарды насихаттауға, қазақстандық әскери қызметшілердің отбасына демеу болуға бағытталған. Бұл туралы ҚР ҚМ баспасөз қызметі хабарлады.
Аталмыш байқауға Қарулы Күштерде қызмет еткен, ІІ Дүниежүзілік соғысқа қатысқан әкелерінің немесе туыстарының даңқты әскери дәстүрлерін жалғастыра отырып, қазіргі уақытта қазақстандық армияда қызмет етіп жүрген әскери қызметшілер қатыса алады.
ҚР Қорғаныс министрлігінің байқауына қатысуға ниет білдірушілер отбасы мүшелерінің еңбектері мен жетістіктері, жауынгерлік марапаттарын әңгімелей отырып, әскери әулет портфолиосын ұсынулары қажет.
Өтінімдер тамыз айының 5-25 аралығында қабылданады.
