ОҚО-да жетім және ата-анасының қамқорлығынсыз қалған 89 түлекке облыс әкімінің білім гранты табысталды

ҰБТ сынағынан қажетті көрсеткішке қол жеткізе алмай, грантқа ілікпеген балалар енді жолдама арқылы ОҚО-дағы 11 жоғары оқу орынында білім алмақ. Биыл 11-сыныпты жетім және ата-анасының қамқорлығынсыз қалған 200 бала бітірген.

Олардың  89-ы облыстағы жоғары оқу орнына, 91-і колледжге оқуға ниет білдірсе, 20-ы еліміздің басқа өңірлерінде білім алуға ықылас танытқан. Жоғары оқу орындарына оқуға ниет білдірген 147 түлектің 106-ы Ұлттық бірыңғай тестілеу нәтижесінде 50 баллдан жоғары жинаған.

Салтанатты шарада балалардың болашаққа деген үмітін өшірмей, қамқорлық танытқан облыстағы 11 жоғары оқу орындарының басшылары облыс әкімінің алғыс хатымен марапатталды.

ОҚО әкімінің баспасөз қызметі