Жаңалықтарды Telegram арнамыздан оқыңыз!Былтыр Қатардан Қазақстанға 156 млн доллардан астам инвестиция тартылды. Бұл былтырғы сомадан 18 есе көп. Екі ел арасындағы Сауда-экономикалық ынтымақтастық жөніндегі бірлескен үкіметаралық комитеттің отырысында байланысты одан әрі нығайту мәселелері талқыланды. Отырыста көлік және логистикадағы әріптестікті дамытуға айрықша назар аударылды. Әсіресе Каспий теңізіндегі порт инфрақұрылымын жаңғыртып, жүк терминалдарын салумен бірге Орта дәлізді бірлесіп дамытудың маңызы айтылды. Қазақстандық тарап катарлық инвесторларды осындай жобаларға қатысуға шақырды.
Арман Қасенов, Ұлттық жкономика вице-министрі:
Инвестициялардың жалпы көлемі шамамен 20 млрд АҚШ долларын құрайды деп болжануда. Бұл өте үлкен сома. Маңызын атап өтетін жайт - іске асырылатын жобалар жоғары қосылған құны бар және экспорттық әлеуеті жоғары салаларда, атап өткенде шикізатты терең өңдеу салаларында жүзеге асырылады.
Дархан Әбдухалит
