Жаңалықтарды Telegram арнамыздан оқыңыз!Биыл Ұлттық домбыра күніне орай 300-ге жуық мерекелік іс-шара ұйымдастырылады. Оның басым бөлігі – 200-ден астамы – ауыл-аймақтарда өтпек.
Қазір еліміздің үздік домбырашылары мен жас өнерпаздары арнайы концерттік бағдарлама дайындап жатыр. Олар өз өңірлеріндегі алаңдарға жиналып, бір мезетте күй орындайды.
Мереке қалаларда да кең көлемде тойланбақ. 6 шілдеде Алматыда Құрманғазы атындағы Қазақ ұлттық халық аспаптары оркестрінің мерекелік концерті өтеді. Ал Астанадағы амфитеатр алаңында үлкен концерт жоспарланған. Жамбыл облысында «Көне Тараз» археологиялық саябағы аумағында музыкалық кеш ұйымдастырылады.
Айта кетейік, шілденің алғашқы жексенбісі – Ұлттық домбыра күні.
Жанель Өтеулі
