Жаңалықтарды Telegram арнамыздан оқыңыз!Қытайдың оңтүстік батысындағы Сычуан провинциясында жауын құйып, бірнеше ауданды топан су басты. Соңғы мәліметке сүйенсек, тасқынға байланысты кейінгі үш күнде 73 мыңға жуық тұрғын эвакуацияланған. Мұны Сычуанның геологиялық апаттардың алдын алу және бақылау кеңсесі хабарлады.
Қазір елді мекендерді тасқын судан тазарту жұмыстары жүргізіліп жатыр. «Си-си-ти-ви» телеарнасының дерегінше, тасқыннан үйлер мен дүкендер ғана емес, егістік алқаптары да зардап шекті.
Айта кетсек, соңғы күндері Қытайдың оңтүстігінде жауыннан өзендердің деңгейі күрт көтеріліп, Юньнань, Гуйчжоу, Гуанси, Хайнань тәрізді провинцияларда да адамдар қауіпсіз жерге көшіріліп, алтауы қаза тапты.
Арыстан Рысбек
