Жаңалықтарды Telegram арнамыздан оқыңыз!Соңғы 5 айда Астана қаласы бойынша алаяқтық қылмыстар 22%-ға, ал интернет алаяқтық 12%-ға азайған. Ғаламтордағы ұдайы мониторинг нәтижесінде 1100-ден астам жалған жарнамалар бұғатталды, 20 қылмыстық кибертоптар әшкереленді. Сондай-ақ елорда прокуратурасымен әзірленген «Whatsapp-бот» арқылы 60 мыңға жуық азамат абоненттік номерлердің интернет-алаяқтарға тиесілі-тиесілі еместігі анықталған. Қазір «Кибер-қалқан. Алаяқтарға қарсы іс-қимыл» пилоттық жобасы жүзеге асып жатыр. Бұл – азаматтардың құқықтық-қаржылық сауаттылығын арттыруға бағытталған.
Нұрсұлтан Отарбаев, қалалық прокуратураның басқарма прокуроры:
«Антифрод-орталық» жүйесінде интернет-алаяқтардың банктік шотында 73 миллион теңге қаражат бұғатталып, заңды иесіне қайтарылды. Әр жәбірленушіге сот арқылы дропперлерден 119 миллион теңгеге жуық негізсіз байлық қайтарып алынды. Жоба аясында прокуратурамен алғаш рет дропперлер туралы деректі фильм түсірді.
Ақниет Балтанова
