Жаңалықтарды Telegram арнамыздан оқыңыз!Олжас Бектенов ExxonMobil вице-президенті Питер Ларденмен кездесті. Тараптар Теңіз және Қашаған кен орындарына қатысты бірлескен жобаларды талқылады. Кен орнын игеру мен оны өндіру көлемін ұлғайтудың маңыздылығына тоқталды.
Сондай-ақ қазақстандық мұнайды сыртқы нарықтарға тасымалдауда шешуші рөл атқаратын Каспий құбыр консорциумының тұрақты әрі үздіксіз жұмысын қамтамасыз ету мәселесін көтерді. Қазақстанның әлемдік энергетикалық нарықтағы позициясын нығайта түсетін Теңіз жобасына да ерекше тоқталды. Бұл жобада тауарлар локализациясының деңгейі жеткіліксіз. Сондықтан «тауарлар мен қызметтерді сатып алуда жергілікті үлесті арттыру қажет», - деді Үкімет басшысы.
Ақниет Балтанова
