Жаңалықтарды Telegram арнамыздан оқыңыз!Былтыр еліміздегі ақылы жолдардан бюджетке 48 млрд теңге ақша түскен. Ал биыл ел қазынасына 100 млрд теңгеге жуық кіріс кіреді деген жоспар бар. Бұл туралы Сенатта өтіп жатқан Үкімет сағатында Көлік министрі Марат Қарабаев айтты. Министрдің сөзінше, Қазақстанда бүгінде ұзындығы 3,2 мың шақырымдық 17 ақылы автомобиль жолы бар. Биыл тағы 6 мың шақырымнан аса 19 ақылы жол учаскесі қолданысқа берілмек.
Айта кету керек, бұған дейін жөндеу жұмыстары жүргізіліп жатқан ақылы жолдарда уақытша тегін ету жоспары жарияланған болатын. Ал 14 мамырда көлік министрлігі жаңа бұйрық шығарып, елімізде тағы бір ақылы жол учаскесінің енгізілетінін хабарлады.
Нұрсұлтан Тілектес
