Жаңалықтарды Telegram арнамыздан оқыңыз!Елімізде трансплантацияланатын ағзаны ұзақ сақтайтын бірегей аппарат шығарылады. Астанада зауыттың құрылысы басталды. Қазақстандық кардиохирургтер әзірлеген теңдессіз құрылғы донорлық органдарды сақтау мерзімін 6 есе ұзартып, Орталық Азия бойынша трансплантация географиясын кеңейтпек. Инновациялық аппарат соғып тұрған жүректі ғана емес, өкпе, бауыр және бүйрек сияқты ағзаларды өміршең күйде 24 сағат сақтауға, алысқа тасымалдауға және олардың инфекция жұқтыру қаупін азайтуға мүмкіндік береді. Мамандардың айтуынша, соңғы 13 жылда 100 жүрек трансплантациясы жасалған, алайда жыл сайынғы қажеттілік – 200 ота. Кезек күткендердің арасында жасөспірімдер мен балалар бар.
Нұрсұлтан Тілектес
