Жаңалықтарды Telegram арнамыздан оқыңыз!Жұмысшы мамандықтарын дәріптеу және олардың ерекшеліктерін түсіндіру мақсатында Шымкент қаласындағы бірнеше колледжде ашық есік күні ұйымдастырылып, дебаттық турнир, жәрмеңке өтті. Ашық есік күнінде мектеп оқушылары білім ордаларының материалдық-техникалық базасымен танысып, аспаз, кондитер, наубайшы және мейрамхана ісі мамандығы бойынша шеберлік сағатына қатысты. Еңбек династиясы, үздік шеберлер мен еңбек ардагерлері туралы шағын сюжеттер тамашалап, мамандардың ақыл-кеңесіне қанықты. Жұмысшы мамандардың кәсіби білігін шыңдайтын шеберханаларды аралап көрді. Бүгінгі таңда Шымкент қаласында 40 колледж жұмыс істейді. Оның 12-сі мемлекеттік болса, қалғаны жекеменшік негізде маман дайындап келеді.
Жайсана Мұсылманқұл, оқушы:
Колледжге өте қатты қызығып отырмын. Себебі, өзім 6 кластан бастап аспаздыққа, үйде тәттілер пісіруге қатты қызығамын. Сол себепті жүрек қалауымды кәсіптік тұрғыда шыңдағым келеді.
Ғани Қалмаханов
