Бүгін бүкіләлемдік экскурсия жетекшілері күні

Бүгін бүкіләлемдік экскурсия жетекшілері күні. Айтулы датаға орай Астанада Елордалық гидтер мен экскурсия жетекшілерінің І форумы басталды. Сала майталмандары кәсіби экскурсиялық қызметтің өзекті тақырыптарын қозғап, шеберлік сыныптарын өткізіп, жас мамандардың кәсібилігін арттырмақ. Сөз өнері мен қаржылық сауаттылық тақырыптарына тоқталмақ. Форумға 100-ге жуық астаналық және өңірлік экскурсиялық қызмет саласының өкілдері қатысып жатыр. Шара ертең де жалғаспақ. Ұйымдастырушылардың айтуынша, алдағы уақытта Азияға келетін туристердің саны артады.

Ботагөз Қайыпова, ҚР Президенттік орталығы директорының орынбасары:

Сарапшылардың айтуы бойынша, болашақта Азия бағыты туристік потенциалы барысынан 57 пайыз өсім көрсетеді деген сараптамалық негіздер бар. Сонымен қатар бұл саладағы болашақта 10-15 жылдың ішінде де туристік потенциал күрт өзгеріп, өседі деген көрсеткішті атап өтуге болады.

Темірлан Нұрсолтан