Жаңалықтарды Telegram арнамыздан оқыңыз!Бүгін Сенат Қазақстан мен Түркия арасындағы өсімдіктер карантині және оларды қорғау саласындағы ынтымақтастық туралы Заңды қарап, оны мақұлдады. Құжаттың мақсаты – фитосанитариялық қауіпсіздікті қамтамасыз ету және екі мемлекеттің аумағында карантиндік зиянды организмдердің таралуын болдырмау. Келісімде бірқатар міндеттемелер белгіленді. Құжатты ратификациялау тараптар арасындағы өзара іс-қимылды нығайтуға ықпал етеді.
Мәулен Әшімбаев, Сенат төрағасы:
Қаралған келісім Қазақстан мен Түркия арасында өсiмдiктер карантині саласындағы бірлескен іс-шараларды регламенттейтін құқықтық негіз қалыптастырады. Осы мақсатпен келісім аясында фитосанитариялық қауіпсіздікті қамтамасыз етуге және карантиндік зиянды организмдердің таралуының алдын алуға бағытталған нақты ережелер қарастырылды.
Темірлан Нұрсолтан
