Жаңалықтарды Telegram арнамыздан оқыңыз!Шымкентте электр желілерінің 57 пайызының тозығы жетіп тұр. Осыдан 60-70 жыл бұрын тартылған 3 мың шақырымдай сымның көп жері жалғанған, трансформаторлар ескі. Сондықтан биыл электр жүйелерін жаңартуға қазынадан 2 миллиард теңгеден аса қаржы бөлінді. Бұл ақшаға Қайнарбұлақ және Құрсай шағын ауданындағы қосалқы станциялар жөнделеді.
Мегаполис халқын тұрақты әрі сапалы электр қуатымен қамту мақсатында былтыр 5 шағын ауданның аумағында құрылыс жүрді. Нәтижесінде 6 мыңнан аса тұрғыны бар «Екінші Асар», «Бозарық» «Қайнарбұлақ» аймағы жарықтандырылды. Сондай-ақ, қаланы жарықпен қамтамасыз етуші мекеменің инвестициялық бағдарламасы аясында 180 шақырым магистральді желі жаңғыртылған.
Шоқан Айдарбек, Шымкент қалалық энергетика және инфрақұрылымды дамыту басқармасының бөлім басшысы:
Мекемеде 5 жылдық инвестициялық бағдарламасы бекітілген. Сол бағдарлама аясында 150-200 шақырым желі жаңғыртылып отырады. Соның есебінен тозу деңгейі жыл сайын төмендейді.
Ғани Қалмаханов
