Жаңалықтарды Telegram арнамыздан оқыңыз!Жылдың ең үздік әскери қызметшілері белгілі болды. Қорғаныс министрлігі ұйымдастырған «Әскер тарланы» байқауының жеңімпаздары марапатталды.
Үздіктер 24 номинация бойынша таңдалған. Іріктеу кезінде жауынгердің жетістіктері мен шеберліктері ескерілген. Марапатталғандардың арасында бірінші болып Су-30 СМ ұшағын өз бетінше басқару құқығына ие болған ұшқыш, "Теңіз кубогында" жоғары нәтиже көрсеткен теңізші, Біріккен ұлттар ұйымының бітімгерлік миссиясын орындау кезінде ерекше көзге түскен әскерилер бар . Олар «Көк қыраны», «Теңіз тарланы», «Жыл бітімгері» аталымы бойынша үздік деп танылды. Кәсіби байқау жеңімпаздарына диплом мен мүсінше және 200 мың теңге қаржылай сыйақы берілді.
Әсілбек Қарабай, Оңтүстік өңірлік қолбасшылығының 35748 әскери бөлімінің сержанты:
Үздік спортшы атанғаным үшін «Үздік спортшы» төсбелгісімен марапатталып жатырмын. Әскери көп сайыстарға қатысқанмын. Сондай-ақ, әскери күш сайыстарына қатысып, содан екі дүркін чемпион атандым. Беларусь елінде Минск қаласында жарыс өтті, ол жақтан да орын алып келдік.
Асылбек Данияр
