Жаңалықтарды Telegram арнамыздан оқыңыз!Гвинея-Бисау Президенті ресми сапармен Қазақстанға келді. Умару Сисоку Эмбалоны Қасым-Жомарт Тоқаев «Ақорда» резиденциясында салтанатты түрде қарсы алды. Мемлекет басшылары алдымен бір-біріне ресми делегация мүшелерін таныстырды. Артынша Құрмет қарауылының бастығы рапорт беріп, екі елдің әнұрандары шырқалды.
Салтанатты рәсімнен кейін қос президент шағын құрамда келіссөз жүргізді. Кездесуде жаһандық және өңірлік күн тәртібіндегі өзекті мәселелер жөнінде пікір алмасты. Қасым-Жомарт Тоқаев екі елдің ауыл шаруашылығы, тау-кен өнеркәсібі, цифрландыру және көлік-логистика бағыттары бойынша өзара қарым-қатынасын дамытуда әлеуеті зор екенін атап өтті.
Айя Мүтәлі
