Жаңалықтарды Telegram арнамыздан оқыңыз!Алдағы үш жылда бюджеттен бөлінетін қаржының басым бөлігі әлеуметтік салаларға жұмсалады. Бүгін Сенат 2025-27 жылдарға арналған республикалық бюджет туралы заң жобасын қарады. Келер жылдың өзінде 9,8 трлн теңге әлеуметтік бағытқа жұмсалмақ. Білім, денсаулық, мәдениет, спорт салаларына да қаржы жылдағыдан көп бағытталмақ.
Өңірлерді қолдау үшін Республика тарапынан 7,5 трлн теңге көзделген. Шикізаттық емес секторды дамытуға Мәжіліс бекіткен қаржыны жеткіліксіз деп таныған Сенат депутаттары жекелеген баптарға түзетулер енгізіп, кері қайтарды. Ал Ұлттық қордан жыл сайын 2 трлн теңге алынатын болды. Бұл құжатты Парламент мақұлдап, Президенттің қол қоюына жіберді.
Оңғар Алпысбай
