Жаңалықтарды Telegram арнамыздан оқыңыз!Шығыстағы Тарбағатай ауданы Тұғыл ауылында денешынықтыру-сауықтыру кешені қолданысқа берілді. Іргетасы өткен көктемде ғана қаланған нысан бас-аяғы 11 айда салынды. Жаңа спорт кешенінің пайдасын енді бүкіл аудан халқы көреді. Спортқа қажетті құрал-жабдықтары да толық. Көрші бірнеше ауылдың оқушылары да бос уақыттарын осы кешенде өткізеді. Аумағы ат шаптырым нысанның ішінде барлық жағдай жасалған. Жалпы аудан бойынша Тұғыл ауылында бұқаралық спорт жақсы дамыған. Енді әр спорт түрі бойынша жеке үйірмелер ашылады. Жаттықтырушылар ауданның өзінде жеткілікті.
Сержан Омарғазин, Тарбағатай аудандық мәдениет және спорт бөлімінің басшысы:
Спорт кешенінің салынуына байланысты болашақта қосымша еркін күресті футбол, бокс ары қарай дамытсақ деген жоспарларымыз бар. Мақсат – сол алдағы уақытта жас мамандарды жұмысқа тартып, ауылдан сол еліміздің ауданымыздың атын шығаратын жас спротшыларды, чемпиондарды тәрбилеу.
Денешынықтыру кешенімен қоса көрші Тәуке ауылында 100 орындық жаңа мектептің құрылысы пайдалануға берілді. Бұған дейін оқушылар 60 жыл бұрын саман кірпіштен салынған ескі ғимаратта білім алып келген. Енді заманауи жаңа мектепке көшті. Ғимараты шағын болса да, акт және спорт залы мен зертхана кабинеттері толық жабдықталған.
Олжас Керейхан
