Жаңалықтарды Telegram арнамыздан оқыңыз!Бүгін Астанаға қарасты Қарасу өзенінің жағасында экологиялық науқан өтті. Іс-шара «Таза Қазақстан» республикалық акциясы мен «Дүниежүзілік тазалық күнінің» аясында ұйымдастырылған. Оған 300-ге жуық адам қатысты. Олардың қатарында шетелдік дипломаттар, халықаралық ұйым өкілдері және қала тұрғындары бар.
Олар өзен жағасындағы қалдықтарды жинап, арнайы қоқыс жәшіктеріне салды.
Алешка Симкич, Қазақстандағы еуропалық одақ өкілдігінің елшісі:
Біріншіден, біз барлық адамның қоршаған орта алдындағы жауапкершілігінің артқанын қалаймыз. Себебі жерге тасталған әрбір қоқыстың зияны бар. Екінішіден, үлкендер айналаны таза ұстауды балаларға насихаттай алады.
Дүниежүзілік тазалық күні – Эстония мемлекетінен бастау алған челлендж. Миллиондаған еріктілерді, үкіметтер мен ұйымдардың басын қосып, ірі жаһандық қозғалысқа айналған науқан Қазақстанда осымен бірнеше жыл бойы өткізіліп келе жатыр.
Темірлан Нұрсолтанов
