Жаңалықтарды Telegram арнамыздан оқыңыз!Елімізде жыл басынан бері 11 мың тонна уран өндірілген. Ал өнімді сату көрсеткіші 8 мың тоннаға жуықтаған. Бұл туралы Мемлекет басшысының қабылдауында болған «Қазатомөнеркәсіп» ұлттық атом компаниясы» басқарма төрағасы Мейіржан Юсупов айтты. Кездесуде басқарма төрағасы минералды-шикізат базасын нығайту және толықтыру бағытында жүзеге асырылып жатқан жобалар туралы мәлімет берді. Сондай-ақ ұлттық компанияның геологиялық барлау активтерінің портфелін одан әрі кеңейту жоспары туралы баяндады.
Мейіржан Юсупов,«Қазатомөнеркәсіп» ұлттық атом компаниясы» АҚ басқарма төрағасы:
Үстіміздегі жылдың бірінші жарты жылдығында компаниямыздың су тасқынынан зардап шеккен өңірлерге көрсеткен көмекті қоса алғанда өңірлерді әлеуметтік дамытуына 3,5 миллиард теңгеден астам қаражат бөлінді. Кездесу қорытындысы бойынша Мемлекет басшысы Қ.Тоқаев геологиялық барлау және ресурстық базаны толықтырудың маңыздылығын атап өтті және бұл бағыттағы жұмысты жалғастыруды айтып, бірқатар тапсырма жүктеді.
Асылбек Данияр
