Жаңалықтарды Telegram арнамыздан оқыңыз!Қазақ әдебиетінің классигі, жазушы Бердібек Соқпақбаевтың «Өлгендер қайтып келмейді» романы түрік тілінде жарық көрді.
Туындының шығуына қолдау көрсеткен ТҮРКСОЙ ұйымының басшысы, алғашқы таралым 2 мың данамен шықты дейді. Тұсаукесер рәсіміне ұйымның бас хатшысы Сұлтан Раев, шығарманы түрік тіліне аударған Хусейн Варол, елімізге белгілі ақын-жазушылар мен Соқпақбаевтың ұрпақтары қатысты. Жиында Алматы облысы әкімдігінің өкілі жазушының туған ауылы Нарынқолда еңселі ескерткіші бой көтеретінін жеткізді. Сондай-ақ саябаққа, білім ошағы мен облыстық кітапханаға есімі берілетінін де айтты. Шоқтығы биік қаламгер балалар мен жасөспірімдерге арналған 20-дан аса әңгіме, повесть, роман жазды. «Менің атым – Қожа», «Балалық шаққа саяхат», «Өлгендер қайтып келмейді» туындылары арқылы өзі өмір сүрген заманның шынайы келбетін шебер суреттеді. Биыл Бердібек Соқпақбаевтың 100 жылдық мерейтойы ЮНЕСКО көлемінде атап өту қолға алынған.
Сұлтан Раев, ТҮРКСОЙ халықаралық ұйымының бас хатшысы:Мен ойлаймын, бұл кітаптты түркі оқырмандары, балалар сүйіп оқиды. Себебі, Бердібек Соқпақбаев жас балалардың дүниесі арқылы, олардың көзқарасы арқылы тұрмысты, тағдырды көрсетеді. Бұл дүниеде өзінің шығармашылығын балалар әдебиетіне арнаған жазушылар аз.
Қуан Нұрақын
