Жаңалықтарды Telegram арнамыздан оқыңыз!Былтыр еліміз бойынша 41 мыңнан астам адамнан онкологиялық ауру анықталған. Қазақстанда жалпы 218 мыңға жуық науқас диспансерлік есепте тұр. Бұл 2022 жылмен салыстырғанда 5,7%-ға көп, дейді мамандар. Бір жыл ішінде осы дерттен 13 мыңға жуық адам көз жұмған. Дәрігерлер дер кезінде қаралу арқылы дерттің қаупін азайтуға болатынын айтады. Уақытылы скринингтік зерттеу жүргізу аса маңызды. Бұл туралы Алматыда өткен онкологиялық ауруларды диагностикалау мен емдеудегі инновациялар туралы баспасөз мәслихатында айтылды.
Толқын Садықова, Қазақ онкология және радиология ғылыми-зерттеу институтының онколог дәрігері:
Қазақстанда бірінші орында сүт безінің қатерлі ісігі. Екінші орында колоректальды рак. Бұл тоқ ішектің ауруы. Үшінші орында өкпенің қатерлі ісігі. Қазір мысалға, соңғы дерктер бойынша 30,5% екінші стадиялар жақсы анықталып жатыр. Ертерек анықтасақ емнің нәтижесі жақсы болады.
Қуан Нұрақын
