Жаңалықтарды Telegram арнамыздан оқыңыз!Афиныға Грекияның түкпір-түкпірінен барған фермерлер жиналды. Олар тракторларын парламент ғимараты алдына қойып, шеруге шыққан. Полицияның бағалауынша, акцияға 8 мың фермер қатысып жатыр. Олардың үкіметке қойған талабы - энергияның қымбаттауы мен өндіріс шығындарының жоғары болуымен күресу.
Бұған қоса, су тасқыны, өрттің жиілеуінен егін егуде қиындықтарға тап болғанын айтады. Олар бұл шығындарды өтеуді де талап етті. Бұған дейін Грекия үкіметі фермерлерге электр қуаты үшін төлемдерге жеңілдік ұсынды. Сондай-ақ дизель отынына салық жеңілдіктерін жыл соңына дейін ұзартуға келісім берді.
Арай Төлегенқызы
