Жаңалықтарды Telegram арнамыздан оқыңыз!Жамбылда жедел-жәрдем көліктерінің 50 пайызға жуығының тозығы жеткен. Жалпы өңірде алғашқы көмек көрсетуге 235 көлік шықса, оның 112-сі ескірген. Тіпті кейбір ауылдарда жедел жәрдем көлігі атымен жоқ. Әсіресе Мойынқұм, Сарысу, Талас аудандарының шалғай елдімекендері. Ұзақ жылдар бойы шешімін таппай келген мәселені жергілікті билік Президенттің «Ауылдық денсаулық сақтауды жаңғырту» ұлттық жобасы тапсырмасынан кейін қолға ала бастады. Облыстағы 10 ауданның орталық ауруханаларына 40 көліктің кілті табысталды. Ал жыл соңына дейін тағы 30 көлік беру жоспарланып отыр.
Жанар Оспанова, облыстық денсаулық сақтау басқармасының басшысы:
Бұл біздің медицниалық қызметтің сапасын жоғарылатуға үлкен әсерін тигізеді және халқымыздың денсаулығын қорғауға жақсы әсерін тигізеді. Шұғыл жағдайларда өлім қаупінен сақтап қалуға да оң мәнін тигізеді деген ниетіміз бар.
Данияр Әлімқұл
