Жаңалықтарды Telegram арнамыздан оқыңыз!Атырауда 51 жастағы әйел емханада укол қабылдағаннан соң көз жұмды. Қайғылы оқиға процедуралық бөлімде болған. Бұған дейін азаматша 24 қараша күні құлағына қатысты шағыммен аталған емханадағы отоларинголог дәрігердің көмегіне жүгінген. Кейін 13 желтоқсанда жеке сурдолог дәрігердің нұсқауымен процедуралық бөлмеге жолдама алу үшін өзінің учаскелік дәрігеріне барған. Ал 14 желтоқсанда сағат 9.15-те бірінші ине алғаннан кейін өзін нашар сезініп, есінен танып қалған. Санаулы минуттардан кейін көз жұмған. Қазір сот-медициналық сараптама басталды.
Дина Камелова, дәрігер:
Бүгінге қандай себеп болғанын анықтау мақсатында сот-медициналық сараптама жүргізіліп жатыр. Нақты диагноз бен өлімнің себебі содан соң анықталады. Әзірге анафалактикалық шок деп ойлап отырмыз.
Нұрсұлтан Нұрсейіт
