Мәулен Әшімбаев: Жолдауды жүзеге асыру үшін тиісті заңдар қабылданады

Мемлекет басшысының Қазақстан халқына Жолдауын іске асыруға Парламент тас түйін дайын. Тіпті алғашқы жұмыстар да басталған. Бұл туралы Сенат Төрағасы Мәулен Әшімбаев Ұлттық арнадағы "Бас тақырып" бағдарламасына берген сұқбатына мәлімдеді. Жоғары палата спикері "Әділетті Қазақстанды" құруға бар күштің жұмылдырылғанын жеткізді. Яғни, елде заң үстемдік етеді. Сол мақсатта қабылданып жатқан заңдар да, мемлекетке де, халыққа да тиімді болуы шарт, дейді.

Мәулен Әшімбаев, ҚР Парламенті Сенатының төрағасы:

Сол себепті біз жаңа экономикалық үлгіні жүзеге асыру үшін тиісті заңдарды қабылдаймыз. Ол үшін алдғаы уақытта Бюджет Кодексін қараймыз, алдағы уақытта Салық Кодексін қараймыз. Мемлекеттік сатып алу заңында қарайтын боламыз. Тиісті заңдардың кейбірі түсіп жатыр, кейбірі алдағы уақытта Парламентке түсетін болады. Сонымен қатар, өңдеу өнеркәсібін дамытуға арналған басқа да мақсаттарды қамтамасыз ететін заңдарды қабылдайтын боламыз.