Жаңалықтарды Telegram арнамыздан оқыңыз!Шымкент қаласында 9 мыңнан астам абонент екі күннен бері табиғи газсыз тіршілік етіп отыр. Шаһардың әкімшілік іскерлік орталығындағы жүргізіліп жатқан құрылыс кезінде жер қазып жүрген техника диаметрі 200 милиметр болатын газ құбырын жарып жіберген. Салдарынан 60 көпқабатты тұрғын үйге табиғи газ беру тоқтады.
Кеше апат орнында жөндеу бригадасы кешке дейін жұмыс істеп, бүлінген жерді қайта қалпына келтірді. Бүгін тұрғын үйлерді қауіпсіздік шараларын сақтай отырып, газ желісіне қосу ісі басталады. Алдын ала болжам бойынша апаттан газ тарату мекесіне 6 миллион теңгедей шығын келген. Қазір газ құбырының тесілуіне себепкер болған мемлекеттік нөмірі жоқ эксковатордың қай мекемеге тиесілі екені анықталып жатыр.
Ғани Қалмаханов
